Styrktarþjálfun fyrir yngri iðkendur
Aukinn styrkur, hreyfigeta og þekking
Þjálfarinn
Gunnar Ingi hefur lokið meistaranámi í íþróttafræðum frá Háskólanum í Reykjavík og er jafnframt menntaður styrktarþjálfari frá Keili, Háskólabrú. Aðalíþróttabakgrunnur hans er úr fótbolta, en hann hefur einnig reynslu af ýmsum öðrum íþróttagreinum. Gunnar hóf þjálfunarferil sinn ungur að árum og byrjaði sem þjálfari í yngri flokkum í fótbolta aðeins 15 ára gamall. Undanfarin ár hefur hann starfað sem styrktarþjálfari bæði með yngri iðkendum og meistaraflokkum karla í knattspyrnu og körfubolta hjá Aftureldingu.
Þjálfunin
Heildræn styrktarþjálfun sem miðar að því að byggja upp styrk, hreyfanleika og sjálfsöryggi. Í boði er þjálfun fyrir þá sem stunda skipulagt íþróttastarf og vilja hámarka frammistöðu sína í sinni grein með heildrænni styrktarþjálfun, sem og fyrir þá sem ekki stunda skipulagt íþróttastarfi en vilja hámarka heilbrigði, styrkja- og hreyfa sig betur og líða vel.
Áherslur í þjálfuninni:
- Þjálfa grunnhreyfingar í styrktarþjálfun og þróa rétt hreyfimynstur líkamans
- Þjálfa hreyfigetu, samhæfingu og líkamsstjórn með fjölbreyttum æfingum
- Byggja upp grunnstyrk, virkja og styrkja stóru vöðvahópa líkamans á markvissan hátt
- Þjálfa sprengikraft, hoppa hærra og hlaupa hraðar
- Fyrirbyggjandi styrktaræfingar til að draga úr líkum á meiðslum
- Læra hvað þurfi að hafa í huga í helstu styrktaræfingum
- Takast á við áskoranir og fjölbreyttar æfingar sem nýtast bæði í íþróttum og daglegu lífi
Á námskeiðinu er einnig farið í stuttu máli yfir orkuefnin þrjú (kolvetni, prótein og fitu), mikilvægi svefns og markmiðasetningu - að setja sér markmið og vinna í átt að þeim.
Í boði er að skrá sig í tvo hópa.
- Varmá-hópur sem æfir í Íþróttamiðstöð Varmá klukkan 14:30 á fimmtudögum
- Heilsuklasa-hópur æfir í Heilsuklasa á Höfða klukkan 10:10 á sunnudögum
Hvor hópur æfir 1x sinni í viku. Hvert námskeið nær yfir þrjá mánuði.
Markmið þjálfunarinnar
Að skapa jákvæða og uppbyggilega upplifun af styrktarþjálfun þar sem þátttakendur læra að leggja á sig og gera sitt besta. Lögð er áhersla á rétt hreyfimynstur, öryggi og að byggja upp sterkan grunn sem nýtist bæði í íþróttum og daglegu lífi. Þjálfunin stuðlar að auknum styrk, bættri hreyfigetu og líkamsvitund, ásamt því að kenna einfaldar og árangursríkar æfingar sem þátttakendur geta nýtt sér út lífið.
Æfingaval:
- Styrktaræfingar
- Teygjur
- Liðkun/Mobility
- Hopp
- Stuttir sprettir
- Leikir
Meðmæli
“Dóttir mín hefur verið í styrktarþjálfun hjá Gunnar Inga og er ótrúlega ánægð. Hún finnur greinilegan mun á sér inni á vellinum – meiri styrk, liðleika, hraða og hugarfar. Gunnar Ingi er einstaklega faglegur, hvetjandi og skipulagður, og nær að gera styrktaræfingar markvissar og skemmtilegar. Það sem ég er líka svo ánægð með er að hann vinnur ekki bara með líkamlegan styrk, heldur líka hugarfar – hvernig best sé að nálgast verkefni með jákvæðni og trú á eigin getu.”
“Styrktarþjálfunin hefur verið skemmtileg, hvetjandi og fagleg. Að vilja fara aftur og aftur á námskeið hjá Gunna segir allt. Aukið sjálfstraust er það það sem minn drengur hefur öðlast og öll umgjörð til mikillar fyrirmyndar.”
“10 ára dóttir okkar hefur verið í styrktarþjálfun hjá Gunna í bráðum heilt ár. Við sjáum miklar framfarir hjá henni – hún hefur orðið bæði sterkari og öruggari í fótboltanum, og þjálfunin hefur gert hana að öflugri leikmanni. Gunni sameinar á einstakan hátt fagmennsku, jákvæðni og gleði í þjálfuninni – sem gerir það að verkum að hún nýtur þess alltaf að mæta og hlakkar til næstu æfingar.”
“Gunni er framúrskarandi og frábær þjálfari. Hann nær mjög vel til krakkanna, er mjög faglegur og metnaðarfullur. Æfingarnar eru skemmtilegar og fjölbreyttar og skila sér í auknum styrk, hraða, snerpu og úthaldi. Sem sjúkraþjálfari og foreldri mæli ég heilshugar með styrktarþjálfun Gunna.”
Algengar spurningar
Hvar eru æfingarnar?+
Heilsuklasinn á Höfða (salur 3)
Fyrir hvaða aldur er þjálfunin?+
Þjálfunin er í boði fyrir alla á aldrinum 9 til 15 ára
Hvað eru æfingarnar langar?+
Æfingarnar eru 50 mínútur
Hvað þurfa iðkendur að taka með á æfingar?+
Íþróttaföt og íþróttaskó
Geta foreldrar horft á æfingar?+
Aðstandendur mega ekki vera inn í salnum að horfa á meðan æfingunni stendur. En þeim er velkomið að kaupa sér kort í Heilsuklasanum og geta þannig nýtt tímann í hreyfingu á meðan
Geta allir skráð sig í þjálfunina?+
Allir á aldrinum 9-15 ára geta skráð sig. Þjálfunin er einstaklingsmiðuð og hentar því öllum getustigum. Passað er upp á að allir fá verkefni við hæfi.